Հոգեկան առողջության իրազեկում
Հոգեկան առողջության իրազեկում
Առողջապահության ծառայությունների դեպարտամենտի առաքելության կարևորագույն բաղադրիչներից է խրախուսել բոլոր կալիֆոռնիացիներին բարձրացնելու հոգեկան առողջության վերաբերյալ իրազեկվածությունը և բարելավելու հոգեկան առողջության ծառայությունների հասանելիությունը։ Իրազեկության բարձրացումը նվազեցնում է հոգեկան հիվանդությունների և բուժման դիմելու հետ կապված խարանը և խտրականությունը։ Առանց բուժման, հոգեկան առողջության խանգարումները կարող են հասնել ճգնաժամային կետի։ Ինչպես նշում է Առողջապահության համաշխարհային կազմակերպությունը՝ «առանց հոգեկան առողջության առողջություն չկա»։
Հաշվի առնելով, որ Միացյալ Նահանգներում ամեն տարի մոտ 44 միլիոն մեծահասակ և 17 միլիոն երիտասարդ է տառապում հոգեկան հիվանդությամբ, կարևոր է մշակել արդյունավետ ռազմավարություններ և մոտեցումներ՝ կալիֆոռնիացիներին հոգեկան հիվանդության վաղ նշանների և հոգեկան առողջության ծառայություններից օգտվելու եղանակների վերաբերյալ կրթելու համար։ Կալիֆոռնիան ունի մշակութային առումով կոմպետենտ, կանխարգելիչ և վաղ միջամտության բուժման ծառայությունների լայն տեսականի, որոնք ընդգրկում են բարեկեցությունն ու վերականգնումը: DHCS-ը խրախուսում է հոգեկան առողջության հետ կապված խնդիրներ ունեցող բոլոր անձանց խոսել հոգեկան առողջության մասնագետի հետ։ Օգնություն խնդրելը ուժի նշան է և հոգեկան բարեկեցության հասնելու առաջին քայլը։
Այցելեք ձեր շրջանի հոգեկան առողջության ծրագրի կայքէջը՝ ձեր համայնքում հասանելի բազմաթիվ ծառայությունների մասին տեղեկանալու համար։ Շրջանի հոգեկան առողջության ծրագրերի տեղեկատուն և դրանց կոնտակտային տվյալները կարող եք գտնել այստեղ ։