DHCS ​Resources in Hmong​

​​Department of Health Care Services ( Feem hauj Lwm Saib Xyuas Kev Noj Qab Haus Huv, DHCS)

DHCS lub hom phiaj ces yog los muab kev nkag tau mus yam muaj vaj huam sib luag rau kev saib xyuas kev noj qab haus huv zoo, uas yuav ua rau California yog ib qho chaw muaj kev noj qab nyob zoo rau txhua tus.

Tus vev xaib no yog tsim los ua kom suav daws tuaj yeem nkag tau mus saib cov ntaub ntawv, cov khoos kas, cov txiaj ntsig, thiab cov kev pab cuam rau cov tib neeg uas hais tau Lus Askiv tsis zoo thiab ua kom ntseeg rau tias kev hais lus tsis yog qhov teeb meem quas rau kev nkag mus siv cov kev pab cuam kev noj qab haus huv tseem ceeb.

Peb muaj cov neeg ua hauj lwm paub ob hom lus uas muaj ntawv lav loo yuav los pab cov tswv cuab thiab lwm tus neeg, thiab DHCS ua hauj lwm nrog cov tuam txhab los muab kev pab txhais ntaub ntawv thiab kev pab txhais lus pub dawb kom tuaj yeem sib txuas lus nrog DHCS tau yam sib nkag siab zoo.

myM​edi-Cal​

https://www.dhcs.ca.gov/Pages/myMedi-Cal.aspx

Nplooj vev xaib “myMedi-Cal: How To Get the Health Care You Need (Txoj Hau Kev Mus Txais Qhov Kev Saib Xyuas Kho Mob Uas Koj Xav Tau)" yuav ceeb toom rau cov neeg California txog txoj hau kev ua ntawv thov Medi-Cal yam tsis tau them nqi los sis kev pab them nqi kho mob nqi qis. Tsis tas li xwb, koj kuj tseem yuav tau kawm paub ntau ntxiv txog cov cai hais txog kev muaj cai tsim nyog tau txais lub khoos kas tib si thiab. Phau ntawv qhia no yuav qhia tias seb koj tuaj yeem siv koj cov txiaj ntsig Medi-Cal li cas thiab thaum twg uas yuav tau tshaj qhia txog tej kev hloov pauv rau koj cov ntaub ntawv ntiag tug. Koj yuav tsum khaws phau ntawv qhia no kom mus muab tau yooj yim thiab muab siv rau thaum koj muaj lus nug txog cov hauv qab no:

• Txoj Hau Kev Thov Kev Pab Them Nqi
• Cov Txiaj Ntsig Uas Tau Txais Kev Pab Them Los Ntawm Medi-Cal
• Kev Hloov Kho Tshiab thiab Kev Txuas Hnub Nyoog Tshiab rau Medi-Cal
• Cov Cai thiab Cov Kev Thaj Tsob
• Cov ntaub ntawv qhia paub txog DHCS cov khoos kas thiab cov kev pab cuam, xws li: Kev Pab Cuam Kho Hniav; Kev Pab Cuam Kev Quav Yeeb Tshuaj; Kev Pab Cuam Kev Mob Puas Hlwb Tshwj Xeeb; Kev Kuaj Xyuas, Kev Tshuaj Ntsuam Mob, thiab Kev Kho Mob Thaum Ntxov thiab Ua Ntu Zus; Lub Khoos Kas Kho Mob Khees Xaws Mis thiab Ncauj Tsev Me Nyuam; Lub Khoos Kas Kev Pab Cuam Txhawb Pab Hauv Tsev; Kev Pab Cuam Hauv Zej Zog; California Children's Services (California Lub Khoos Kas Pab Cuam Me Nyuam Yaus); Lub Khoos Kas Pab Cov Neeg Xiam Oob Qhab Faj Roj Ntsha Caj Ces; thiab Lub Khoos Kas Pab Them Cov Nqi Khoom Pab Kom Hnov Lus rau Me Nyuam Yaus.
  

Cov N​ab Npawb Xov Tooj Tseem Ceeb:

Medi-Cal Cov Tswv Cuab: (800) 541-5555 (TTY: 711, CA State Relay)

Medi-Cal Managed Care Health Care Options: (800) 430-4263 (TTY (800) 430-7077)

Medi-Cal Dental: (800) 322-6384 (TTY (800) 735-2922)

Medi-Cal Cov Kws Kho Mob: (800) 541-5555 (TTY: 711, CA State Relay)

Medi-Cal Managed Care and Mental Health Tus Ombudsman Lub Chaw Ua Hauj Lwm: (888) 452-8609 (TTY: 711, CA State Relay)

Feem Saib Xyuas Lub Rooj Sib Hais Hauv Xeev: (800) 743-8525 (TTY (800) 952-8349)

Covered California: (800) 300-1506 (TTY: 711, CA State Relay)

Nrhiav Lu​​b Chaw Ua Hauj Lwm Hauv Koj Lub Nroog

Yog xav tau kev pab txog Medi-Cal, kev pab them nqi kho mob, thiab lwm yam txiaj ntsig, thov tiv tauj Lub Chaw Ua Hauj Lwm Hauv koj Lub Nroog:

Medi-Cal Cov Chaw Ua Hauj Lwm Hauv Lub Nroog

Tus Omb​​udsman Lub Chaw Ua Hauj Lwm

Medi-Cal Managed Care and Mental Health Tus Ombudsman Lub Chaw Ua Hauj Lwm yuav pab daws cov teeb meem yam ncaj nruab nrab ntug kom ntseeg tau tias cov tswv cuab tau txais txhua yam kev kho mob uas tsim nyog thiab kev kho mob fab cwj pwm uas tau txais kev pab them nqi uas cov phiaj xwm yuav tsum tau thaj tsob them raws li daim ntawv cog lus.

Tus Ombudsman Lub Chaw Ua Hauj Lwm yuav tsis cia li tuaj ib tug twg tog nyob rau hauv kev hais kev tsis txaus siab. Nws yuav txiav txim rau txhua tog yam ncaj ncees thiab ncaj nruab nrab. Tus Ombudsman Lub Chaw Ua Hauj Lwm yuav pab tsim cov hauv kev daws teeb meem ncaj ncees rau cov teeb meem kev saib xyuas kho mob. 
 

Cov Sij Hawm Ua Hauj Lwm:  Hnub Monday txog Hnub Friday, 8 teev sawv ntxov txog 5 teev tsaus ntuj, raws lub sij hawm PST; tsis suav lub lav cov hnub so

Tus Ombudsman Lub Chaw Ua Hauj Lwm: (888) 452-8609 (TTY: 711, CA State Relay)

MMCDOmbudsmanOffice@dhcs.ca.gov

Lub Chaw​​​ Pab Cuam Kev Hu Xov Tooj (TSC)

Lub TSC tuaj yeem pab txog cov ntaub ntawv nthuav dav hais txog Medi-Cal thiab teb cov lus nug hais txog Medi-Cal cov ntawv sau nqi.

Cov Sij Hawm Ua Hauj Lwm: Hnub Monday txog Hnub Friday, 8 teev sawv ntxov txog 5 teev tsaus ntuj, raws lub sij hawm PST; tsis suav cov hnub so

Medi-Cal Cov Tswv Cuab: (800) 541-5555 (TTY: 711, CA State Relay)

Medi-Cal Cov Kws Kho Mob: (800) 541-5555 (TTY: 711, CA State Relay)

Medi-Cal ​Rx Lub Chaw Pab Cuam Cov Neeg Qhua

Medi-Cal Rx Lub Chaw Pab Cuam tuaj yeem pab txog:

• Cov lus nug hais txog koj cov txiaj ntsig khw muag tshuaj
• Kev nrhiav lub khw muag tshuaj uas nyob ze los sis lub khw muag tshuaj uas kam xa tshuaj raws pais xab nis tuaj mus
• Kev ua daim ntawv hais kev tsis txaus siab

Nws yog ib qhov yuav pab tau yog koj npaj kom muaj cov ntaub ntawv hauv qab no ua ntej koj yuav hu rau peb kom peb tuaj yeem qhia koj mus rau tus neeg uas haum rau koj kom sai dua qub tuaj:

• ​Medi-Cal Tus Tswv Cuab lub npe thiab lub xeem; thiab
• Medi-Cal Tus Tswv Cuab tus nab npawb daim npav ID tus neeg tau txais txiaj ntsig; los sis
• Tus Tswv Cuab lub hnub yug

Cov Sij Hawm Ua Hauj Lwm: 24 teev hauv ib hnub, 7 hnub hauv ib lub lim tiam, 365 hnub hauv ib xyoos

Medi-Cal Rx Lub Chaw Pab Cuam Cov Neeg Qhua: (800) 977-2273(TTY: 711, CA State Relay)

Medi-Cal ​​Managed Care Health Care Options

Lub luag hauj lwm ntawm Medi-Cal Managed Care Health Care Options (HCO), uas yog ib feem ntawm DHCS, yog los ua kom ntseeg tau tias yuav tuaj yeem nkag tau mus rau kev saib xyuas kho mob dhau los ntawm tus neeg cog lus ua hauj lwm rau kev sau npe nkag. Tus neeg cog lus ua hauj lwm muab cov ntaub ntawv rau Medi-Cal cov tswv cuab hais txog cov phiaj xwm kev saib xyuas mob nkeeg uas muaj kev tuav tswj. Qhov no yuav pab kom cov tswv cuab txiav txim siab tau yam muaj ntaub ntawv qhia paub txog lawv cov txiaj ntsig Medi-Cal. Cov phiaj xwm yuav muaj cov kev pab cuam saib xyuas kho mob thiab kho hniav.

Medi-Cal Managed Care: (800) 430-4263 (TTY (800) 430-7077)

Kev Pab​ Cuam Kho Hniav

Medi-Cal pab them nqi rau ntau yam kev pab cuam kho hniav rau cov tswv cuab hauv Medi-Cal, xws li:

• Kev tshuaj ntsuam mob thiab kev tu hniav kom huv ua kev tiv thaiv (xws li kev kuaj hniav, kev xoo hluav taws xob, thiab kev ntxuav hniav kom huv)
• Kev pab cuam ti tes ti taw rau kev tswj kev mob hniav
• Kev rho hniav
• Kev ntsaws hniav
• Kev kho hauv paus hniav (cov hniav tom ntej/cov hniav tom qab)
• Kev looj hniav (cov hniav ua tiav/chav kuaj mob)
• Kev kho qhov loj me thiab kev txhuam kom cov paus hniav du
• Kev tu pos hniav
• Kev ua hniav cuav tag nrho thiab ib feem
• Kev zawm hniav rau cov me nyuam uas muaj cai tsim nyog

Cov tswv cuab tuaj yeem nkag mus siv cov kev pab cuam kho hniav tau dhau los ntawm cov kws kho hniav uas teev npe nkag rau Medi-Cal Dental, uas yuav qhia rau cov tswv cuab txog cov kev kho mob uas zoo tshaj plaws, thiab nyob rau hauv qee cov xwm txheej tshwj xeeb uas qee cov kev pab cuam no tau txais kev tso cai.

Tus Xov Tooj Pab Cuam Tus Tswv Cuab: (800) 322-6384 (TTY (800) 735-2922)

Tus Xov Tooj Pab Cuam Tus Kws Kho Mob: (800) 423-0507

Hais txog rau Cov Ntaub Ntawv Qhia Nthuav Dav, thov tiv tauj rau: Dental@dhcs.ca.gov

Hais txog rau Cov Phiaj Xwm Dental Managed Care, thov mus saib cov npe tiv tauj ntawm no.

Cov Kev ​Pab Cuam Kev Mob Puas Hlwb Tshwj Xeeb

Txoj Phiaj Xwm Kho Mob Puas Hlwb (MHP) hauv txhua lub nroog yuav thaj tsob rau kev muab los sis kev npaj rau kev muab Cov Kev Pab Cuam Kev Mob Puas Hlwb Tshwj Xeeb (SMHS) rau Medi-Cal cov tswv cuab hauv lawv lub nroog. 

Yog tias koj, los sis ib tug neeg uas koj paub, xav tau SMHS, ces thov tiv tauj koj lub nroog txoj MHP los ntawm kev mus rau https://www.dhcs.ca.gov/individuals/Pages/MHPContactList.aspx.

Phau ntawv qhia rau tus tswv cuab yog muaj nyob hauv koj lub nroog txoj MHP thiab muaj cov ntaub ntawv hais txog cov ncauj lus hauv qab no thiab ntau yam ntxiv:

• Cov Kev Pab Cuam Uas Muaj
• Txoj hau kev thov SMHS
• Kev xaiv Tus Kws Kho Mob
• Cov Txheej Txheem Kev Daws Teeb Meem
• Daim Ntawv Teev Qhia Kev Kho Mob Tseg Ua Ntej; thiab
• Tus Tswv Cuab Cov Cai thiab Cov Kev Thaj Tsob

Cov Kev ​Pab Cuam Kev Quav Yeeb Tshuaj

Yog tias koj, los sis ib tus neeg uas koj paub, xav tau cov kev pab cuam Kev Quav Yeeb Tshuaj (SUD) los sis xav tau cov ntaub ntawv qhia paub ntau ntxiv ces thov tiv tauj rau koj lub nroog uas yog siv Lub Nroog Tus Xov Tooj Kev Nkag Mus Siv SUD: https://www.dhcs.ca.gov/individuals/Pages/SUD_County_Access_Lines.aspx.

Hais txog rau cov neeg nyob hauv cov nroog uas koom nrog Drug Medi-Cal Organized Delivery System (DMC-ODS), ces yuav muaj phau ntawv qhia rau tus tswv cuab los ntawm lub nroog thiab muaj cov ntaub ntawv hais txog cov ncauj lus hauv qab no thiab ntau yam ntxiv:

• Cov Kev Pab Cuam Uas Muaj
• Kev Nkag Mus Siv Cov Kev Pab Cuam DMC-ODS
• Kev xaiv Tus Kws Kho Mob
• Cov Txheej Txheem Kev Daws Teeb Meem
• Daim Ntawv Teev Qhia Kev Kho Mob Tseg Ua Ntej; thiab
• Tus Tswv Cuab Cov Cai thiab Cov Kev Thaj Tsob

Cov tswv cuab uas tab tom nrhiav cov kev pab cuam kho mob SUD hauv California kuj tseem yuav tuaj yeem siv tus xov tooj kev xa mus kho mob fab kev quav yeeb tshuaj (SUD) uas tsis yog xwm txheej ti tes ti taw aus thaus mes thiv tau tib si thiab:

• Tus Xov Tooj Hu Dawb Thoob Plaws Lub Lav: (800) 879-2772
• Nyob Rau California Sab Nrauv: (916) 327-3728 ​​