គោលការណ៍និងនីតិវិធីនៃបណ្តឹងសារទុក្ខស្តីពីការរើសអើងរបស់ក្រសួង DHCS
ក្រសួងសេវាកម្មថែទាំសុខភាព (DHCS) គ្រប់គ្រងកម្មវិធី Medi-Cal ។ ក្រសួង DHCS មិនរើសអើងដោយខុសច្បាប់ដោយផ្អែកលើ ភេទ ជាតិសាសន៍ ពណ៌សម្បុរ សាសានា ពូជពង្ស ដើមកំណើតជនជាតិ អត្តសញ្ញាណក្រុមជនជាតិភាគតិច អាយុ ភាពពិការខួរក្បាល ភាពពិការរាងកាយ ស្ថានភាពវេជ្ជសាស្រ្ត ព័ត៌មានអំពីហ្សែន ស្ថានភាពអាពាហ៍ពិពាហ៍ យ៉េនឌ័រ អត្តសញ្ញាណយ៉េនឌ័រ និន្នាការផ្លូវភេទ ឬស្ថានភាពផ្សេងទៀតដែលការពារតាមច្បាប់ស្តីពីសិទ្ធិជនស៊ីវីលរដ្ឋ ឬសហព័ន្ធ។
ក្រសួង DHCS បានអនុម័តនីតិវិធីបណ្តឹងសារទុក្ខដែលផ្តល់ជូនដំណោះស្រាយបណ្តឹងនានាដែលចោទប្រកាន់ការរើសអើងខុសច្បាប់នៅក្នុងកម្មវិធី Medi-Cal ។ បុគ្គលណាដែលជឿជាក់ថា ពួកគេឬនរណាម្នាក់ផ្សេងទៀតបានទទួលរងការរើសអើងខុសច្បាប់នៅក្នុងកម្មវិធី Medi-Cal នោះ អាចដាក់ពាក្យបណ្តឹងសារទុក្ខតាមនីតិវិធីនេះ។
គោលការណ៍និងនីតិវិធី៖
បណ្តឹងសារទុក្ខស្តីពីការរើសអើង ត្រូវតែបញ្ជូនទៅការិយាល័យសិទិ្ធជនស៊ីវីល (Office of Civil Rights) នៃក្រសួង DHCS ក្នុងរយៈពេល 365 ថ្ងៃ ដោយគិតចាប់ពីថ្ងៃដែលការរើសអើងបានកើតឡើង។
បណ្តឹងសារទុក្ខស្តីពីការរើសអើង អាចប្រគល់ជូនដោយការបំពេញឯកសារ ADA_Title_VI_Discrimination_Complaint_Form.docx. សូមបញ្ចូលតារាងបញ្ជីព័ត៌មានបន្ថែម ប្រសិនបើចាំបាច់ ដើម្បីពិពណ៌នាអំពីសារទុក្ខរបស់អ្នកពេញលេញ។ សំណុំបែបបទពាក្យបណ្តឹងសារទុក្ខដែលបានបំពេញហើយ អាចដាក់បណ្តឹងតាមប៉ុស្តប្រៃសណីយ៍ទៅអាសយដ្ឋាន Office of Civil Rights, Department of Health Care Services, PO Box 997413, MS 0009, Sacramento, CA 95899-7413, ឬតាមអ៊ីម៉ែលដែលមានអាសយដ្ឋាន CivilRights@dhcs.ca.gov. ពាក្យបណ្តឹងសារទុក្ខជូនតាមការហៅទូរស័ព្ទទៅការិយាល័យសិទិ្ធជនស៊ីវីល (Office of Civil Rights) នៃក្រសួង DHCS ផងដែរ តាមលេខ (916) 440-7370 ឬដោយការឆ្លើយឆ្លងជាលាយលក្ខណ៍អក្សរ។
ក្រសួង DHCS ផ្តល់ជំនួយនិងសេវាកម្មឥតគិតថ្លៃដល់ប្រជាពលរដ្ឋដែលមានពីការភាព ដើម្បីទំនាក់ទំនងប្រកបដោយប្រសិទ្ធភាពជាមួយក្រសួង DHCS ប្រសិនបើលោកអ្នកត្រូវការសេវាកម្មទាំងនេះ សូមហៅទូរស័ព្ទទៅការិយាល័យសិទ្ធិជនស៊ីវីល ( Office of Civil Rights) តាមលេខ (916) 440-7370, 711 (ការបញ្ជូនបន្តនៅរដ្ឋកាលីហ្វ័រញ៉ា) ឬតាមអ៊ីម៉ែល CivilRights@dhcs.ca.gov.
នៅក្នុងរយៈពេលប្រាំ (5) ថ្ងៃ បន្ទាប់ពីទទួលបានបណ្តឹងសារទុក្ខស្តីពីការរើសអើងនោះ ការិយាល័យសិទ្ធិជនស៊ីវីល (Office of Civil Rights) នៃក្រសួង DHCS នឹងផ្ញើលិខិតជូនដំណឹងជាលាយលក្ខណ៍អក្សរថា បានទទួលបណ្តឹងសារទុក្ខរបស់អ្នក។ ការិយាល័យសិទ្ធិស៊ីវីល (Office of Civil Rights ) នឹងជូនដំណឹងដល់លោកអ្នក ប្រសិនបើត្រូវការព័ត៌មានបន្ថែម។
នៅក្នុងរយៈពេលប្រាំ (30) ថ្ងៃ បន្ទាប់ពីទទួលបានបណ្តឹងសារទុក្ខស្តីពីការរើសអើងនោះ ការិយាល័យសិទ្ធិជនស៊ីវីល (Office of Civil Rights) នៃក្រសួង DHCS នឹងចាប់ផ្តើមការស៊ើបអង្កេតមួយ ប្រសិនបើបណ្តឹងសារទុក្ខនេះ ស្ថិតនៅក្នុងយុត្តាធិការរបស់ខ្លួន។
ជាផ្នែកមួយនៃការស៊ើបអង្កេតរបស់ខ្លួន ការិយាល័យសិទ្ធិជនស៊ីវីល (Office of Civil Rights) នៃក្រសួង DHCS អាចចែករំលែកព័ត៌មានអំពីបណ្តឹងសារទុក្ខរបស់អ្នកទៅគម្រោងថែទាំសុខភាពដែលគ្រប់គ្រងដោយកម្មវិធី Medi-Cal របស់អ្នក ឬបុគ្គល ឬអង្គភាពដែលដាក់បណ្តឹង។ តាមលទ្ធភាពដែលអាចធ្វើទៅបាន និងស្របតាមច្បាប់ដែលអាចអនុវត្តនោះ ការិយាល័យសិទ្ធិជនស៊ីវីល (Office of Civil Rights) នៃក្រសួង DHCS នឹងចាត់វិធានការសមស្រប ដើម្បីរក្សាការសម្ងាត់នៃឯកសារនិងកំណត់ត្រាដែលទាក់ទងនឹងបណ្តឹងសារទុក្ខ ហើយនឹងចែករំលែកជូនអ្នកទាំងនោះ ដែលមានតម្រូវការចាំបាច់តែប៉ុណ្ណោះ។
នៅក្នុងរយៈពេលកៅសិប (90) ថ្ងៃ បន្ទាប់ពីទទួលបានបណ្តឹងសារទុក្ខពីការរើសអើងនោះ ការិយាល័យសិទ្ធិជនស៊ីវីល (Office of Civil Rights) នៃក្រសួង DHCS នឹងចេញសេចក្តីសម្រេចជាលាយលក្ខណ៍អក្សរដែលពន្យល់អំពីការរកឃើញរបស់ខ្លួន ឬប្រសិនបើការស៊ើបអង្កេតកំពុងបន្តដំណើរការនោះ នឹងផ្តល់ព័ត៌មានថ្មីៗអំពីស្ថានភាពស៊ើបអង្កេតនិងការរំពឹងទុកចំពោះកាលបរិច្ឆេទនៃការបញ្ចប់។ នៅពេលបញ្ចប់ការស៊ើបអង្កេតរបស់ខ្លួន ការិយាល័យសិទ្ធិជនស៊ីវីល (Office of Civil Rights) នៃក្រសួង DHCS នឹងចេញសេចក្តីសម្រេចជាលាយលក្ខណ៍អក្សរ។ សេចក្តីសម្រេចជាលាយលក្ខណ៍អក្សរ នឹងផ្អែកលើភាពចាំបាច់នៃភស្តុតាង ហើយនឹងរួមបញ្ចូលលិខិតជូនដំណឹងអំពីសិទ្ធិរបស់អ្នកក្នុងការស្វែងរកដំណោះស្រាយផ្នែករដ្ឋបាល ឬផ្លូវច្បាប់បន្ថែមទៀត។ ក្នុងករណីការិយាល័យសិទ្ធិជនស៊ីវីល (Office of Civil Rights) នៃក្រសួង DHCS កំណត់បណ្តឹងសារទុក្ខថា មិនស្ថិតនៅក្នុងយុត្តាធិការរបស់ខ្លួនទេ លិខិតនេះនឹងជូនដំណឹងដល់លោកអ្នកអំពីសេចក្តីសម្រេចនោះជាលាយលក្ខណ៍អក្សរក្នុងរយៈពេល 90 ថ្ងៃ បន្ទាប់ពីទទួលបានបណ្តឹងសារទុក្ខស្តីពីការរើសអើងនេះ។
បណ្តឹងឧទ្ធរណ៍៖
លោកអ្នកអាចប្តឹងឧទ្ធរណ៍ចំពោះសេចក្តីសម្រេចជាលាយលក្ខណ៍អក្សរនៃបណ្តឹងសារទុក្ខស្តីពីការរើសអើងរបស់អ្នកក្នុងរយៈពេលដប់ប្រាំ (15) ថ្ងៃ បន្ទាប់ពីទទួលបានលិខិតនេះ។ សេចក្តីសម្រេចជាលាយលក្ខណ៍អក្សរ នឹងត្រូវបានចាត់ទុកថា បានទទួលរយៈពេលប្រាំ (5) ថ្ងៃ បន្ទាប់ពីការផ្ញើលិខិតតាមប៉ុស្តប្រៃសណីយ៍ ប្រសិនបើ បានផ្ញើលិខិតតាមប៉ុស្តប្រៃសណីយ៍ ឬផ្ញើតាមអេឡិចត្រូនិកភ្លាមៗ ប្រសិនបើផ្ញើតាមទូរសារ ឬអ៊ីម៉ែល។ បណ្តឹងឧទ្ធរណ៍អាចដាក់បណ្តឹងតាមប៉ុស្តប្រៃសណីយ៍ទៅអាសយដ្ឋាន Office of Civil Rights, Department of Health Care Services, PO Box 997413, MS 0009, Sacramento, CA 95899-7413, ឬតាមអ៊ីម៉ែលដែលមានអាសយដ្ឋាន CivilRights@dhcs.ca.gov.
បណ្តឹងឧទ្ធរណ៍ត្រូវតែកំណត់អត្តសញ្ញាណតាមសេចក្តីសម្រេចជាលាយលក្ខណ៍អក្សរដែលត្រូវប្តឹងឧទ្ធរណ៍ ឬរួមបញ្ចូលឯកសារថតចម្លងមួយច្បាប់នៃសេចក្តីសម្រេចជាលាយលក្ខណ៍អក្សររបស់ការិយាល័យសិទ្ធិជនស៊ីវីល (Office of Civil Rights) នៃក្រសួង DHCS និងការពន្យល់ពីមូលហេតុដែលលោកអ្នកប្តឹងឧទ្ធរណ៍ចំពោះសេចក្តីសម្រេចនេះ។
នាយកក្រសួង DHCS ឬអ្នកចាត់តាំងរបស់គាត់ នឹងចេញសេចក្តីសម្រេចជាលាយលក្ខណ៍អក្សរលើបណ្តឹងឧទ្ធរណ៍មិនលើសពីហុកសិប (60) ថ្ងៃ បន្ទាប់ពីការិយាល័យសិទ្ធិជនស៊ីវីល (Office of Civil Rights) នៃក្រសួង DHCS ទទួលបានបណ្តឹងឧទ្ធរណ៍នេះ។ សេចក្តីសម្រេចលើបណ្តឹងឧទ្ធរណ៍ នឹងមិនត្រូវសម្រេចដោយបុគ្គលណាម្នាក់ដែលបានចូលរួមក្នុងសេចក្តីសម្រេចលើនៃបណ្តឹងសារទុក្ខស្តីពីការរើសអើង ដែលត្រូវដាក់ប្តឹងឧទ្ធរណ៍នោះទេ។
ជំនួយជាភាសា និងជំនួយរបស់អ្នក សម្រាប់ប្រជាពលរដ្ឋដែលមានពិការភាព៖
ប្រសិនបើលោកអ្នកត្រូវការជំនួយជាភាសារបស់អ្នក ដើម្បីដាក់បណ្តឹងសារទុក្ខស្តីពីការរើសអើង ឬបណ្តឹងឧទ្ធរណ៍ ឬប្រសិនបើលោកអ្នកមានភាពពិការ ហើយត្រូវការជំនួយក្នុងការទំនាក់ទំនងនោះ ក្រសួង DHCS៖
ប្រសិនបើលោកអ្នកត្រូវការសេវាកម្មទាំងនេះ សូមហៅទូរស័ព្ទទៅការិយាល័យសិទ្ធិជនស៊ីវីល ( Office of Civil Rights) តាមលេខ (916) 440-7370, 711 (ការបញ្ជូនបន្តនៅរដ្ឋកាលីហ្វ័រញ៉ា) ឬតាមអ៊ីម៉ែល CivilRights@dhcs.ca.gov.
ដំណោះស្រាយផ្សេងទៀត៖
ភាពអាចប្រព្រឹត្តទៅបាន និងការប្រើប្រាស់នីតិវិធីបណ្តឹងសារទុក្ខស្តីពីការរើសអើងរបស់ក្រសួង DHCS មិនរារាំងបុគ្គលណាម្នាក់ពីការស្វែងរកវិធីដោះស្រាយតាមផ្លូវច្បាប់ឬរដ្ឋបាលផ្សេងទៀតឡើយ ដែលរួមទាំងការដាក់បណ្តឹងសារទុក្ខស្តីពីការរើសអើងទៅគម្រោងថែទាំសុខភាពដែលគ្រប់គ្រងដោយកម្មវិធី Medi-Cal ឬការដាក់ពាក្យបណ្តឹងអំពីការរើសអើងនៅក្នុងតុលាការឡើយ។ ពាក្យបណ្តឹងនៃការរើសអើងដោយផ្អែកលើជាតិសាសន៍ ពណ៌សម្បុរ ដើមកំណើតជនជាតិ ភេទ អាយុ ភាពពិការ អាចដាក់បណ្តឹងទៅក្រសួងសុខាភិបាលនិងសេវាកម្មពលរដ្ឋនៃសហរដ្ឋអាមេរិក (U.S. Department of Health and Human Services), ការិយាល័យសិទ្ធិជនស៊ីវីល (Office for Civil Rights) ផងដែរ។ លោកអ្នកអាចដាក់ពាក្យបណ្តឹងអំពីការរើសអើងតាមអេឡិចត្រូនិចតាមរយៈវិបសាយដាក់ពាក្យបណ្តឹងនៃការិយាល័យសិទ្ធិជនស៊ីវីល (Office for Civil Rights Complaint Portal) ដែលអាចរកបានតាមវិបសាយ៖ https://ocrportal.hhs.gov/ ocr/ portal/ lobby.jsf,
ឬតាមរយៈអ៊ីម៉ែល ឬទូរស័ព្ទលេខ៖ U.S. Department of Health and Human Services, 200 Independence Avenue SW., Room 509F, HHH Building, Washington, DC 20201.
ក្រសួងសុខាភិបាលនិងសេវាកម្មពលរដ្ឋនៃសហរដ្ឋអាមេរិក (U.S. Department of Health and Human Services) សំណុំបែបបទពាក្យបណ្តឹងអាចរកបានតាមវិបសាយ៖ http://www.hhs.gov/ ocr/ office/ file/ index.html. ពាក្យបណ្តឹងដែលបានដាក់ទៅក្រសួងសុខាភិបាលនិងសេវាកម្មពលរដ្ឋនៃសហរដ្ឋអាមេរិក (U.S. Department of Health and Human Services), ការិយាល័យសិទ្ធិជនស៊ីវីល (Office for Civil Rights) ត្រូវតែដាក់ពាក្យបណ្តឹងក្នុងរយៈពេល 180 ថ្ងៃ ដោយគិតចាប់ពីថ្ងៃការរើសអើងដែលបានចោទប្រកាន់។
