DHCS Tsab Cai thiab Cov Txheej txheem Hais Txog Kev Ntxub Ntxaug Tawm Tsam Kev Tsis Zoo Siab
Chav Hauj Lwm ntsig txog Cov Kev Pab Cuam Saib Xyuas Kev Noj Qab Haus Huv (DHCS) uas tswj los ntawm Medi-Cal. DHCS yuav tsis yuam cai ntxub ntxaug saib raws poj niam txiv neej, tsav neeg, cev nqaij daim tawv, kev ntseeg ntuj, poj koob yawm txwv, haiv neeg keeb kwm, qhov qhia txog tsav neeg, hnub nyoog, kev xiam oob qhab fab siab ntsws, kev xiam oob qhab lub cev, muaj mob, ntaub ntawv qhia txog caj ces, qib kev muaj txij nkawm, qhov yog poj niam txiv neej, qhov qhia tias yog poj niam txiv neej, kev nyiam sib deev, los sis lwm yam uas tau txais kev pov thaiv los ntawm tsoom fwv los sis lub Xeev cov kev cai lij choj hais txog pej xeem.
DHCS tau tsim tawm qhov txheej txheem hais txog kev tsis zoo siab los muab hauv kev daws cov teeb meem kev tsis txaus siab nyob rau qhov kev ntxub ntxaug tsis raws cai nyob rau hauv Medi-Cal lub lub khoos kas: Txhua tus neeg tus uas ntseeg tias lawv los sis muaj qee tus neeg tau raug kev ntxub ntxaug tsis raws nyob rau hauv Medi-Cal lub khoos kas uas yuav xa tau daim ntawv tsis zoo siab raws qhov txheej txheem no.
Cov Cai thiab Cov Txheej Txheem:
Kev ntxub ntxaug hais txog cov kev tsis zoo siab yuav tsum xa los ntawm kev sau kom tiav DHCS Daim Foos Tsis Txaus Siab Txog Kev Ntxub Ntxaug (ADA Title VI Discrimination Complaint Form).docx. Thov siv lwm daim ntawv los sau ntxiv kom txhij txog qhov koj tsis zoo siab yog tias siv. Daim foos tsis zoo siab uas sau tiav lawm yuav tau muab xa mus rau lub Chaw Ua Hauj Lwm ntsig txog Pej Xeem Cov Cai (Office of Civil Rights) qhov chaw nyob, Department of Health Care Services, PO Box 997413, MS 0009, Sacramento, CA 95899-7413, los sis los ntawm chaw nyob email xa rau CivilRights@dhcs.ca.gov. Cov kev tsis txaus siab los kuj tuaj yeem xa los ntawm kev hu mus rau lub DHCS Office of Civil Rights ntawm (916) 440-7370 los sis los ntawm kev sau kom muaj ntaub muaj ntawv.
DHCS Muab kev pab thiab kev pab cuam pub dawb rau tus neeg uas muaj kev xiam oob qhab kom sib txuas lus tau nrog DHCS kom zoo, Yog tias koj xav tau cov kev pab cuam no, hu rau lub Chaw Ua Hauj Lwm ntsig txog Pej Xeem Cov Cai (Office of Civil Rights), ntawm (916) 440-7370, 711 (Xeev California Tus Xoov Tooj Pab Tus Tsis Hnov Lus los sis Hais Tsis Tau Lus) los sis xa email rau CivilRights@dhcs.ca.gov.
Nyob rau sij hawm kaum (10) hnub txij thaum tau txais qhov kev tsis zoo siab txog kev ntxub ntxaug, lub DHCS lub Chaw Ua Hauj Lwm ntsig txog Pej Xeem Cov Cai yuav sau ib tsab ntawv ceeb toom rau koj tias tau txais koj qhov tsis zoo siab lawm. Lub Chaw Ua Hauj Lwm ntsig txog Pej Xeem Cov Cai yuav qhia rau koj paub yog tias xav tau ntaub ntawv ntxiv.
Tam li yog ib feem ntawm kev tshawb xyuas qhov tseeb, lub DHCS lub Chaw Ua Hauj Lwm ntsig txog Pej Xeem Cov Cai yuav faib tawm cov ntaub ntawv hais txog koj qhov tsis zoo siab nrog rau koj lub Medi-Cal lub phiaj xwm kev saib xyuas raug tswj los sis lub chaw uas muaj qhov tsis zoo siab nrog. Txhawm kom nthuav dav raws li tuaj yeem ua tau, thiab kom mus raws li kev cai lij choj, lub DHCS lub Chaw Ua Hauj Lwm ntsig txog Pej Xeem Cov Cai yuav ua raws li cov kauj ruam pov thaiv kom lwm tus neeg txhob paub txog ntawm cov ntawv xa thiab cov ntaub ntawv sau tseg uas cuam tshuam cov kev tsis zoo siab thiab tsuas muab faib rau lawm tus uas muaj qhov xav paub nkaus xwb.
Nyob rau sij hawm cuaj caum (90) hnub txij thaum tau txais qhov tsis zoo siab txog kev ntxub ntxaug, lub DHCS lub Chaw Ua Hauj Lwm ntsig txog Pej Xeem Cov Cai yuav sau ib tsab ntawv muab kev txiav txim siab qhia txog qhov uas nws tau nrhiav pom los sis yog tias qhov tshawb nrhiav qhov tseeb tseem yuav ua mus ntxiv tom ntej, yuav muab lus qhia paub txog qib ntawm qhov kev tshawb nrhiav qhov tseeb thiab hnub tim uas vam tias yuav tiav Tom qab ua tiav qhov kev tshawb nrhiav qhov tseeb, lub DHCS Lub Chaw Ua Hauj Lwm ntsig txog Pej Xeem Cov Cai yuav sau ib tsab ntawv hais txog nws qhov kev txiav txim siab. Sau daim ntawv txog qhov txiav txim teb raws li qhov pov thawj uas tshawb pom thiab muab xam ua ke ua ib daim ntawv ceeb toom txog koj li cai los mus ua kev nqis tes kav tswj los sis sib kho mus ntxiv tom ntej. Nyob rau xwm txheej no lub DHCS lub Chaw Ua Hauj Lwm ntsig txog Pej Xeem Cov Cai yuav txiav txim siab txog qhov kev tsis zoo siab uas tsis nyob rau qhov nws txiav txim tau, nws yuav sau ntawv ceeb toom rau koj txog ntawm qhov kev txiav txim siab nyob rau sij hawm 90 hnub txij thaum tau txais qhov kev tsis zoo siab txog kev ntxub ntxaug.
Thov Kom Rov Qab Txiav Txim Dua:
Koj tuaj yeem thov kom rov qab txiav txim dua tau qhov kev txiav txim siab txog ntawm koj qhov tsis zoo siab txog kev ntxub ntxaug nyob rau ncua sij hawm kaum tsib (15) hnub txij thaum tau txais nws. Daim ntawv sau txog kev txiav txim siab yuav tau txais nyob rau ncua sij hawm tsib (5) hnub tom qab muab xa hauv kev xa ntawv lawm, yog tias xa lawm, los sis yuav tau txais tam sim yog tias xa hauv es lev taus niv, yog tias fev los sis xa hauv email. Cov kev thov kom rov qab txiav xim dua yuav tau muab xa mus rau lub Chaw Ua Hauj Lwm ntsig txog Pej Xeem Cov Cai (Office of Civil Rights) qhov chaw nyob, Department of Health Care Services, PO Box 997413, MS 0009, Sacramento, CA 95899-7413, los sis los ntawm chaw nyob email xa rau CivilRights@dhcs.ca.gov.
Lub DHCS Tus Thawj Kav Tswj Saib Xyuas, los sis tus neeg uas nws tau teeb los ua hauj lwm, yuav sau ib daim ntawv txog qhov kev txiav txim siab ntawm qhov thov kom rov qab txiav txim dua tsis pub dhau rau caum (60) hnub tom qab lub DHCS lub Chaw Ua Hauj Lwm ntsig txog Pej Xeem Cov Cai tau txais qhov thov kom rov qab txiav txim dua. Qhov kev txiav txim siab nyob rau qhov thov kom rov qab txiav txim dua yuav tsis muab los txiav txim los ntawm tus neeg uas koom nrog xwb nyob rau hauv qhov kev txiav txim siab txog qhov tsis zoo siab ntawm kev ntxub ntxaug uas tau thov kom rov qab txiav txim dua.
Yuav muaj kev pab nyob rau Koj Yam Lus Hais thiab Pab Tus Neeg Uas Xiam Oob Qhab:
Yog tias koj xav tau kev pab nyob rau koj yam lus hais nyob rau hauv qhov kev xa qhov tsis zoo siab hais txog kev ntxub ntxaug los sis thov kom rov qab txiav txim dua, los sis yog tias koj muaj qhov xiam oob qhab thiab xav tau kev pab rau kev sib txuas lus, DHCS:
- Muab kev pab pub dawb thiab kev pab cuam rau cov tib neeg muaj kev xiam oob qhab rau kev txuas lus kom tau txais txiaj ntsig zoo nrog DHCS, xws li:
- Muaj tus kws txais lus piav tes thiab txais-piav kiag tam sim
- Sau ntawv ua lwm yam qauv xws li tus ntawv luam loj, suab, cov qauv siv tau rau hauv tshuab hluav taws xob, thiab lwm yam qauv
- Muab kev pab cuam txhais lus pub dawb rau cov tib neeg tus uas lus As Kiv tsis yog nws thawj hom lus, xws li:
- Muaj cov kws pab txhais lus muaj kev paub tsim nyog
- Ntaub ntawvv sau ua lwm hom lus
Yog tias koj xav tau cov kev pab cuam no, hu rau lub Chaw Ua Hauj Lwm Ntsig Txog Pej Xeem Cov Cai (Office of Civil Rights) ntawm 916440-440-7370, 711 (California State Relay) los sis xa CivilRights@dhcs.ca.gov.
Lwm Cov Kev Kho:
Qhov muaj thiab qhov siv tau ntawm lub DHCS qhov txheej txheem daws qhov tsis zoo siab txog kev ntxub ntxaug yuav tsis thaiv tus neeg uas sau ntawv foob raws cai los sis cov kev sib kho txog kev kav tswj, xam nrog rau kev xa daim ntawv tsis zoo siab txog kev ntxub ntxaug nrog rau Medi-Cal lub phiaj xwm kev saib xyuas raug tswj, los sis kev xa qhov tsis txaus siab txog kev ntxub ntxaug mus rau tsev hais plaub. Cov kev tsis txaus siab hais txog kev ntxub ntxaug saib raws tsav neeg, cev nqaij daim tawv, haiv neeg keeb kwm, poj niam txiv neej, hnub nyoog los sis kev xiam oob qhab los kuj xa mus tau rau Teb Chaws Mes Kas Chav Hauj Lwm ntsig txog Kev Noj Qab Haus Huv thiab Kev Pab Cuam Tib Neeg, Lub Chaw Ua Hauj Lwm ntsig txog Pej Xeem Cov Cai (U.S. Department of Health and Human Services, Office for Civil Rights). Tus neeg xa tau qhov tsis txaus siab txog kev ntxub ntxaug hauv es lev taus niv mus rau Lub Chaw Xa Ntawv ntawm Lub Chaw Ua Hauj Lwm ntsig txog Pej Xeem Cov Cai (Office for Civil Rights Complaint Portal), qhov uas muaj nyob ntawm:https://ocrportal.hhs.gov/ocr/smartscreen/main.jsf, los sis xa hauv kev xa ntawv los sis hauv xov tooj ntawm: U.S. Department of Health and Human Services, 200 Independence Avenue SW., Room 509F, HHH Building, Washington, DC 20201.
Teb Chaws Mes Kas Chav Hauj Lwm ntsig txog Kev Noj Qab Haus Huv thiab Kev Pab Cuam Tib Neeg (U.S. Department of Health and Human Services) cov foos tsis txaus siab muaj nyob ntawm: http://www.hhs.gov/ocr/office/file/index.html.Cov kev tsis txaus siab xa mus rau Teb Chaws Mes Kas Chav Hauj Lwm ntsig txog Kev Noj Qab Haus Huv thiab Kev Pab Cuam Tib Neeg (U.S. Department of Health and Human Services), Lub Chaw Ua Hauj Lwm ntsig txog Pej Xeem Cov Cai yuav tsum xa nyob rau 180 hnub txij hnub muaj kev ntxub ntxaug.
